Уурхайчдын баяр
Манай холбоо нь жил бүр уламжлал болгон зохион байгууллагддаг “Уурхайчдын баяр”-аа 2023 оны 12 сарын 23-нд зохион байгуулсан билээ. Энэ жилийн арга хэмжээ их онцлогтой болсон. УУМХЗ .нь жил бүр олгодог “Уурхайчдын алдрын од” одонгийн эздээ урьж, халуун дотноор эрхэмлэн алдаршуулсан билээ. “Уурхайчдын алдрын од” одонгоор нийтдээ 20 эрхэм тодроод байна. Гэхдээ энгэрт нь гялалзах “Алдрын од”-оо бүгд зүүчихсэн, залуу насаа дурсаж, тэртээх он жилүүдэд эрдэс баялгийн салбарын их бүтээн байгуулалтад гар бие оролцож явснаа дурсан ярилцах тэр агшин хамгаас үнэ цэнэтэй. Тэд залуу, сайхан насандаа ихийг бүтээж явсан. Одоо ч тэр хэвээрээ. Үнэтэй сайхан үг сургаал, үлгэр дууриаллаа залуустаа хайрлаж, ухааны, сэтгэлийн, зүтгэлийн, урмын гэрэл гэгээгээ цацруулсаар явна.
