Монгол улсын Уур уухайн салбарын хөгжилд сэтгэл зүрх, хөлс хүчээ харамгүй зориулж ирсэн, салбарын тулгын чулууг тавилцсан ахмад үеийнхэн, мэргэжлийн эрдэмтэн багш, судлаачид, тэдний үйл хэргийг залгамжлан яваа шинэ үеийнхэн уурхайчид, гадаадын хөрөнгө оруулагчид болон тус салбарын нийт ажилтан, ажиллагсад Та бүхэндээ сайн сайхан бүхнийг хүсэн ерөөе.

Уул уурхайн салбарын мэргэжлийн холбоодууд тус тусдаа үйл ажиллагаа явуулж, тэр нь тодорхой үр дүнд хүрэхгүй байгаагаас шалтгаалж, эдгээр холбоодоо нэгтгэсэн дээвэр холбоо байгуулж ажиллах нь зүйтэй гэсэн санал 2014 онд гарсан.

2015 онд Монголын уул уурхайн аж үйлдвэрлэлийн мэргэшсэн, зөвлөх инженерүүдийн үндэсний холбоо, Монголын уул уурхайн зураг төсөл зохиогчдын холбоо, Тэсэлгээний ажил үйлчилгээ, эрхлэгчдийн холбоо, Монголын далд уурхайн мэргэшлийн холбоо, Геологи, уул уурхайн хөгжлийн төв гэсэн 5 ТББ үүсгэн байгуулагчаар бүртгүүлэн Уул уурхайн мэргэжлийн холбоодын зөвлөл ГҮТББ-ыг байгуулж, ерөнхийлөгчөөр манай салбарын сайдаар ажиллаж байсан, тухайн үеийн сайдын зөвлөх Д.Цогбаатарыг сонгосон ба гүйцэтгэх захирлаар Д.Сүхбаатарыг томилсон. Улмаар тус холбоонд өнөөдрийн байдлаар 30 холбоо, байгууллага гишүүнээр элсэж бүртгүүлэн үйл ажиллагаагаа явуулж байна.